Pritet të përballet ditën e sotme me trupën gjykuese efektivi i ‘Shqiponjave’ që qëlloi për vdekje 25-vjeçarin, Klodian Rasha, tre ditë më parë.
Masa e sigurisë për N. Hajdaraj, pritet sot në orën 13:30 ku gjyqtarët do të vlerësojnë provat e prokurorisë për të vendosur më pas se si do të vijohet me gjykimin e 31-vjeçarit.
Bëhet me dije sipas SHÇBA-së veproi në shkelje të ligjit për përdorimin e armëve të zjarrit duke vrarë Klodian Rashën.
Vdekja e e të riut shkaktoi një revoltë të gjerë në vend, ku u shoqërua edhe me protesta ditën e djeshme, ku të tjera marshime priten ditën e sotme.