Dy javë pas vrasjes së 49-vjeçares Lirie Xhepa në Sharrë të Tiranës, policia ka bërë të mundur arrestimin e autorit të ngjarjes në Peshkopi.
Sipas Policisë Dashamir Xhepa strehohej tek M.S, i cili gjithashtu është arrestuar për përkrahje të autorit të krimit.
Lirie Xhepa u gjet e pajetë mëngjesin e 14 shkurtit pranë liqenit të Sharrës. Viktima, nënë e tre djemve merrej me blegtori, dhe së fundmi kishte nisur punë pranë një fabrike këpucësh
Policia ngriti pistën e hetimit duke dyshuar se autor i vrasjes ishte kunati i saj, 39-vjeçari Dashamir Xhepa.
NJOFTIMI I POLICISË
Kapet dhe arrestohet autori i dyshuar i vrasjes së shtetases L. Xh., ngjarje e ndodhur më 13 shkurt 2019, pranë kodrave të liqenit të Sharrës.
Në pranga dhe një tjetër shtetas për “Përkrahje të autorit të krimit”.
Shërbimet e Policisë Tiranë, pas identifikimit të autorit të dyshuar të vrasjes së shtetases L. Xh., janë vënë në ndjekje intensive të tij. Në sajë të informacioneve të marra në rrugë operative shërbimet e Policisë lokalizuan vendodhjen e autorit të dyshuar, shtetasit D. Xh., dhe bënë kapjen dhe arrestimin e tij në qytetin e Peshkopisë ku dhe strehoej.
Gjithashtu u arrestua dhe shtetasi M. S., për “Përkrahje të autorit të krimit”, i cili ka ndihmuar dhe strehuar autorin e dyshuar.
Materialet i kaluan Prokurorisë së Rrethit Gjyqësor Tiranë, për veprat penale “Vrasje për shkak të marrëdhënieve familjare”, “Armëmbajtje pa leje”, në ngarkim të shtetasit D. Xh., dhe për veprën penale “Përkrahje e autorit të krimit”, në ngarkim të shtetasit M. S.
Lexo edhe: Ky është 39-vjeçari i dyshuar për vrasjen e kunatës
Lexo edhe: U gjet e pajetë në mëngjes, 49-vjeçarja dyshohet se është vrarë nga kunati
