Nuk ka qenë i pranishëm në sallën e gjyqit po përmes Skype ka pranuar vrasjen e vajzës së tij. Petrit Lekaj, shqiptari në Australi që tronditi vendin në korrik të këtij viti me vrasjen e të bijës është në spital psikiatrik.
Sipas mediave australiane gjendja e tij nuk është e mirë ndërsa prokurori ka kërkuar një raport të pavarur nga specialistët psikiatër për të. Megjithatë ende nuk dihet motivi i vrasjes dhe pse ai ka pranuar fajin. Avokati mbrojtës i Petrit Lekajt, Ben Sale ka kërkuar kohë për të siguruar raportin psikiatrik para se të jepet dënimi. Ai tha se ka pasur vonesa për shkak të shëndetit të klinetit të tij. Në këto kushte gjyqtari Trish Kelly e shtyu vendimin për Petrit Lekajn më 4 shkurt të vitit të ardhshëm.
Mediat australiane thonë se 49-vjeçari është dërguar në James Nash House, institucion ku mbahen personat e paraburgosur që vuajnë nga probleme të shëndetit mendor.
Në korrik të këtij viti u gjet e vrarë në makinë Sabrina Lekaj ndërsa pranë saj i plagosur u gjet i ati.
Lexo edhe- Krimi në familje trondit Australinë, babai shqiptar vret me thikë brenda në makinë vajzën 20-vjeçare