Arsen Muskurti, i cili vrau vëllanë dhe kunatën në zonën e “Myslym Shyrit” në kryeqytet është shpallur në kërkim nga policia.
Ngjarja ka nisur fillimisht si një debat verbal mes dy vëllezërve për shkak të konfliktit për një pronë të përbashkët. Përplasja verbale nisi në ambientet e një lokali në kryeqytet dhe u zhvendos në një agjenci turistike, prona për të cilën dyshohet se u bë dhe shkak i vrasjes.
Në një nga postimet e shpërndara në rrjetet sociale, autori mallkon të vëllanë e gruan e tij. Ai shkruante se i vëllai me të shoqen nuk do të kishin as varr, si dhe do të jepnin llogari para Allahut për veprat e tyre.
