Ushtria izraelite ka vrarë Jamila al-Shanti, e cila është e veja e bashkëthemeluesit të Hamasit Abdel Aziz al-Rantisi dhe gruaja e parë e zgjedhur në 2021 në Byronë Politike të organizatës. Këtë e bëjnë të ditur burime lokale. Burri i saj Al-Rantisi u vra në vitin 2004 po nga një sulm izraelit.
Nga ana tjetë,r Egjipti ka konfirmuar hapjen e një kalimi për ti shkuar në ndihmë palestinezëve në Gaza. “Presidenti egjiptian Abdel Fattah al-Sissi dhe presidenti amerikan Joe Biden kanë rënë dakord për furnizimin e ndihmave humanitare për Rripin e Gazës përmes kalimit Rafah në mënyrë të qëndrueshme”, tha zëdhënësi i presidencës, Ahmed Fahmy në një deklaratë, por nuk specifikoi, një datë specifike.