Në emisionin “Rudina” në Tv Klan ka qenë i ftuar mjeku alternativ, Yli Merja, i cili ka dhënë një sërë informacionesh për kujdesin ndaj shëndetit. Por ketë herë më shumë për antibiotikun natyror i cili është vaji i rigonit. Por se çfarë përfitimesh kemi dhe se si duhet ta përdorim, ai e ka shpjeguar në studio.
Vaji i rigonit, antibiotiku më i fuqishëm natyral i cili shkatërron 30 baktere dhe shërben kundër infeksioneve, mykut dhe ftohjes. Vaji i rigonit është një vaj esencial i fuqishëm i nxjerrë nga bima e rigonit, i cili mund të konkurrojë mjaft mirë me antiobiotikët, kur bëhet fjalë për trajtimin dhe parandalimin e llojeve të ndryshëm të infeksioneve. Ai ka veti antibakteriale, antivirale dhe antifungale.
Ky vaj nuk shkakton efekte të padëshirueshme siç mund të ndodhë nga përdorimi i antibiotikëve, si për shembull rritja e rrezikut të rezistencës ndaj antibiotikëve, prishja e florës bakteriale të zorrëve, reduktimi i absorbimit të vitaminave si dhe Sindromi i zorrës së përshkueshme si pasojë e dëmtimit të mukozës mbrojtëse të traktit gastro-intestinal. Efektet pozitive të vajit të rigonit janë shumë më shumë se kontrolli i infeksionit.
Rudina Magjistari: Thonë që vaji i rigonit trajton infeksione të ndryshme, inflamacione, alergji, probleme të tretjes.
Ylli Merja: Këto janë mëse të vërteta, po të krahasojmë përbërësit e këtij vaji esencial dhe të vëmë re funksionin e tij në organizëm, ky ka një funksion të çuditshëm që ndalon prodhimin e histaminës. Po e ndaloi prodhimin e histaminës, vaji i rigonit ndalon alergjinë, pra dashur pa dashur, përdorimi i çajit të rigonit, ose përdorimi i rigonit në gjellë tek personat që janë alergjikë bën një mrekulli në organizëm sepse frenon ose ul shkallën e kruarjes së organizmit.
Rudina Magjistari: Në një kohë ku vazhdojmë të bashkëjetojmë me Covidin, çfarë ndihme mund të sjellë vaji i rigonit sepse thamë që funksionon si një antibiotik i mirëfilltë. A rrit imunitetin apo ndihmon në këtë rast.
Ylli Merja: Vaji i rigonit në këtë rast shërben si një antiviral i fuqishëm. Unë e kam provuar eksperimentalisht në pjata petri, ku kemi luftuar dhe Esheria Kolin me vajin esencial të rigonit dhe ka qenë më i fuqishmi dhe më i suksesshmi në tetë mostra që unë vendosa. Vaji i rigonit e kishte djegur në diametrin më të madh se gjithë antibakterialët e tjerë.
Antimykotik i fuqishëm që shfaros komplet bakteriet dhe myqet që organizohen në organizëm. Pra nëse shikojmë në një recetë, diagnozë etj, Esheria Kolin ose Candida Albicans përdorni çajin ose vajin e rigonit dhe është vërtet mrekullibërës.