Koha e sfidave ekstreme ka përfunduar. YouTube ndryshon rregullat e kompanisë dhe ndalon publikimin e videove që regjistrojnë prova të rrezikshme dhe që nxisin dhunë.
Vendimi është marrë pas shpërthimit të modës së Bird Box Challenge, nisur nga një film në Netflix, ku protagonistët duhet të shpëtojnë pa parë. Kështu, YouTube u përfshi nga filmime të përdoruesve që ecnin qorazi, ashtu si një djalë nga Utah shkaktoi një incident rrugor.
“YouTube është shtëpia e shumë shakave dhe sfidave virale, por duhet të jemi të sigurtë që ajo që është zbavitëse të mos kalojë limitet e të bëhet edhe e rrezikshme”, thuhet në një komunikatë për shtyp të YouTube.
Të gjitha videot që konsiderohen të papërshtatshme për publikun do të fshihen dhe duke nisur nga nëntori përdoruesit që i kanë postuar do të marrin një njoftim.