Pedagogia e muzikologjisë, Zana Shuteriqi, e cila ishte pjesë e jurisë në “Festivalin e Këngës”, ka folur mbi këtë aktivitet në studion e “Vizioni i Pasdites” të moderuar nga Brikena Prifti në Vizion Plus.
Shuteriqi theksoi se festivali kishte një nivel shumë të mirë, ku morën pjesë muzikantë shumë të talentuar.
E pyetur nga moderatorja Brikena Prifti se ku gaboi Elsa Lila këtë vit, duke i kujtuar se një vit më parë ajo mori çmimin e parë të dhënë nga juria, Shuteriqi theksoi se nuk pati asnjë gabim, thjeshtë kënga këtë vit ishte më pak e bukur se ajo e një viti më parë.
Sipas saj mos marrja e asnjë çmimi nga ana e Elsa Lilës nuk zhbën karrierën e saj madhështore e as zërin melodioz.
Pjesë nga biseda:
Brikena Prifti: Ku gaboi Elsa Lila?
Zana Shuteriqi: Vjet kishte një këngë të ngjashme me këtë, por ajo ishte më e mirë. Por kjo nuk është ndonjë gjë tragjike. Unë vetë do të veçoja një muzikant si Shpat Deda, ai mori çmimin e tretë, pra është muzikant shumë i mirë në botën shqiptare.