Zbardhet dëshmia në polici e 66-vjeçarit Faik Buci i arrestuar për vrasjen e vajzës së tij. Ai pretendon se e bija është gjallë por është trafikuar.
Megjithatë, thotë se edhe sot po t’i dalë përpara do të vriste për shkak se e kishte mohuar si vajzës.
“Eshtrat në Malin me Gropa nuk i përkasin vajzës sime. Eglantina është gjallë por është trafikuar”, ka deklaruar ai në polici në dëshminë e publikuar nga News 24.
“Edhe sot po të më dalë para e vras”, shton ai.
23 vjeçarja Eglantina Buci u zhduk pa gjurmë në vitin 2012. Për këtë krim, policia akuzon shtetasit Faik Buci dhe Shkëlzen Buci, përkatësisht babai dhe vëllai i viktimës.
“Motivi i vrasjes së bërë nga babai dhe vëllai i saj lidhet me faktin që shtetasja Eglantina Buci është larguar nga banesa për të bashkëjetuar me një shtetas tjetër, pa dëshirën e familjarëve të saj”, sqaronte policia të premten.
Aktualisht, vëllai i saj, është duke vuajtur dënimin me 13 vite burgim për vrasje në tentativë.