Kryetari i Partisë Demokratike, Lulzim Basha ka dëshmuar para prokurorëve belgë pak javë më parë në ambientet e SPAK, në lidhje me dosjen “Toyota Auris”. Kjo dëshmi është mundur të zbardhet duke na bërë të mësojmë atë që ka thënë Basha në prokurori.
Basha ka deklaruar se informacionin e ka marrë përmes një letre denoncuese që i ka mbërritur nga qytetarët.
“Qytetarët e informojnë Partinë Demokratike për shumë çështje një ndër të cilat është edhe informacionin për shumën e konsiderueshme të parave të sekuestruara në portin e Durrësit në qershor të vitit 2018′.
Mësohet se Lulzim Basha është pyetur nëse ka një protokoll për mënyren e marrjes së denoncimeve në PD, por për këtë ai nuk ka dhënë sqarim.
Bëhet fjalë për një makine “Toyota Auris” ku në qershor të vitit 2018 policia sekuestroi një shumë parash 3.4 milion euro. Shuma u fut ilegalisht dhe dyshohet nga SPAK se janë para të ardhura nga një aktivitet i paligjshëm në Belgjikë. Kryedemokrati Basha ishte personi i parë që denoncoi në Kuvend çështjen e ‘Toyota Auris’ kur ajo nuk ishte bërë ende publike. Ai iu drejtua Taulant Ballës dhe i tha se ai kishte porositur një makinë “Toyota Auris”.