Shqipëria është një ndër vendet me numrin më të lartë të aksidenteve. Numri i lartë i aksidenteve ka sjellë shpesh ndryshimin e kuadrit ligjor. Deri sot nëse një qytetar aksidentohej për faj të transportit publik, kalohej dhe me një kërkesë faljeje, por në projektligjin e ri thuhet se pronarët e mjeteve të transportit publik janë të detyruar të lidhin kontratë për sigurimin e aksidenteve të pasagjerëve gjatë transportit të tyre.
Në bazë të ligjit të ri, çdo pasagjer do të jetë i siguruar dhe do të marrë 4 milionë lekë në rast vdekjeje, merr 2 milionë lekë në rast paaftësie të përhershme për punë dhe përfiton 1 milion lekë në rast paaftësie të përkohshme për punë dhe trajtimet mjekësore.
Ky sigurim mbulon dëmtimet trupore të shkaktuara pasagjerit, si pasojë e defekteve teknike, dëmtime aksidentale të shkaktuar nga grumbullime masive etj. Po ashtu dëmshpërblim do të ketë edhe për frenim të papritur, plasje e gomës dhe problemeve të tjera.