Gazetarja Anila Sefa ka zbardhur kërkesën me shkrim që edukatorja Redina Binjaku i paraqiti këtë të martë Gjykatës së Fierit përmes avokatit, për mungesën e saj në seancën gjyqësore.
“Në radhë të parë i shpreh ngushëllimet më të sinqerta familjes së të miturit… Jam shumë e ngarkuar psikologjikisht prej situatës në të cilën ndodhem. Për këtë shkak nuk mund të marr pjesë në zhvillimin e seancës për vlerësimin e arrestit dhe caktimin e masës së sigurisë”, thuhet në letër.
Edukatorja 27-vjeçare u la në arrest me burg me afat 30 ditë, për vdekjen e vogëlushit 3-vjeçar në një kopsht privat në Fier, të premten e shkuar.
