Ish-drejtuesi i Policisë, Fatjon Softa ka komentuar arrestimet e fundit në vend, pas operacionit me urdhër të SPAK.
I ftuar në studion e News24, Softa deklaroi se të dhënat e zbuluara nga aplikacioni i komunikimit SKY pritet të sjellin rreth 50 arrestime të tjera.
“Sot po diskutojmë emra shumë të njohur në këtë grup të arrestuarish. Breçani ka qenë drejtues i lartë, si në forcat speciale edhe më tej në Policinë e Shtetit. Kemi pasur disa komunikime normale në distancë, por jo më shumë. Emri i tij ishte një surprizë për të gjithë. Një person që do të ushtrojë një aktivitet që shtrihet në gjithë territorin, i nevojitet një mbështetje, që e favorizon atë në veprimtarinë kriminale. Struktura të policisë janë akuzuar për favorizim të grupeve kriminale. Këto të dhëna kanë ardhur nga aplikacioni SKY dhe tani priten deri në 50 veta që do të arrestohen, prej tyre edhe në nivele të larta.”