Shkencëtarët mendojnë se kanë prova të një grupi misterioz planetesh që “lëkunden të lira” dhe duke shkuar në hapësirën e thellë pa qenë të lidhura me ndonjë yll.
Ata thonë se i kanë pikasur planetet në një kërkimi të kryer duke përdorur teleskopin Kepler të NASA, që ka kapur sinjale intriguese duke sugjeruar që fshihen planete në të njëjtën madhësi me Tokën në hapësirë.
Mirëpo këto sinjale nuk ishin të lidhura me një sinjal më të gjatë siç mund të pritet nga një yll pritës, siç kemi ne Diellin. Kërkuesit mendojnë që yjet janë formuar rreth yllit të tyre dhe janë nxjerrë jashtë sistemit diellor nga efekti gravitacional i planeteve fqinj, që janë më të rënda.
Sinjalet u kapën duke u bazuar në parimin e mikrolenizimit që është parashikuar për herë të parë nga Albert Ajnshtajn. Kjo ndodh kur yjet sillen si syze zmadhuese për yjet që fshihen prapa tyre dhe në këtë mënyrë shfaqen si shpërthime të shndritshme.
Shumica e këtyre incidenteve shkaktohen nga yjet. Por një numër shumë i vogël incidentesh shkaktohen nga planetet.Këto sinjale u kapën nga shkencëtarët në studimin e ri.
“Janë të vështira për t’u kapur”, tha Iaian McDonald nga universiteti i Mançesterit. Teleskopi Kepler në fakt nuk është shpikur për këtë lloj pune. Puna kryesore e saj është të shikojë për hijet që krijojnë planetet kur kalojnë përpara yjeve.
Ekspertët thonë se kërkimet do të vazhdojnë për të konfirmuar ekzistencën e planeteve dhe për të parë se si duken ato.