Vetëm 1 000 vite dritë larg, astronomët nga Observatori Jugor Europian (ESO) kanë zbuluar një vrimë të re të zezë, më e afërta me Tokën që është zbuluar ndonjëherë, e ndodhur në një sistem yjor të dukshëm me sy të lirë, sipas një studimi të botuar sot.
“Është një vrimë e zezë yjore, e krijuar nga shembja e një ylli masiv në vetvete, e madhe sa të paktën katër herë Dielli. Në dallim nga vrimat e zeza supermasive, ajo është “e heshtur” sepse nuk bashkëvepron dhunshëm me mjedisin e saj (nuk thith materien), prandaj është me të vërtetë e zezë dhe fshihet në sistemin yjor “HR 6819”, tha ESO në një njoftim për shtyp.
Ekipi ESO fillimisht ishte i interesuar për HR 6819 si një sistem binar yjesh, i cili përfshin një larmi yjesh më masive dhe më të ndritshme se Dielli.
Duke studiuar këtë trajektore, ata qenë në gjendje të zbulonin praninë e vrimës së zezë dhe të llogaritnin masën e saj.
Sipas studimeve, tani për tani vetëm dy duzina vrima të zeza janë zbuluar në galaktikën tonë, e cila përfshin në qendër të saj një vrimë të zezë supermasive.