Një album fotografik, i bërë nga lëkura e një të burgosuri nga kampi shfarosës nazist, u zbulua nga një koleksionist, i cili vuri re që kopertina kishte një ‘tatuazh, flokë njerëzor dhe erë të keqe’.
Ai e bleu në një treg antikuarësh në Poloni dhe ia dorëzoi stafit në Muzeun Përkujtimor të Aushvicit, të cilët e konsideruan pa dyshim “si provë të një krimi kundër njerëzimit”.
Analistët dyshojnë se albumi është bërë duke përdorur lëkurën e një të burgosuri të vrarë në kampin e përqendrimit në “Buchenwald”, në Gjermani, famëkeq për ekzekutimet e tij dhe eksperimentet mizore njerëzore.
“Metro” shkruan se Ilse Koch, gruaja e komandantit të kampit Karl-Otto Koch, besohet të ketë porositur vrasjen e të burgosurve meshkuj me tatuazhe interesante, përpara se të përdornin lëkurën e tyre për të bërë shirita, albume dhe shtroje tryezash.