Me anë të një dekreti të nënshkruar, Presidenti i Ukrainës, Volodymyr Zelensky u bën thirrje forcave ushtarake ukrainase që janë jashtë vendit me mision paqeruajtës, të kthehen në Ukrainë për të luftuar agresionin rus. Mes ushtarëve që ndodhen jashtë vendit me këtë mision janë edhe 40 ushtarët që shërbejnë në Kosovë në kuadër të KFOR-it.
Dekreti i nënshkruar nga Zelensky u bë publik nga zëvendës shefi i Zyrës së Presidentit, Andriy Sibiga.
“Presidenti i Ukrainës, Zelensky, ka vendosur të thërrasë paqeruajtësit Ukrainës me përvojë të lartë ushtarake nga të gjitha misionet në botë së bashku me pajisjet e tyre për të forcuar ushtrinë ukrainase tani kundër agresionit rus”, u shpreh ai.
