Fjalimet e presidentit ukrainas Volodmyr Zelensky kanë qenë të shumta në orët e fundit, fill pasi nisi pushtimi rus. Ai ndodhet aktualisht në Kiev nga ku ka refuzuar të largohet, edhe prej aty u ka drejtuar mesazhe qytetarëve të vendit të tij. Madje, ai beson se Rusia ka atë si objektiv të parë.
Si ç’shkruan BBC, presidenti ukrainas ka thënë në një nga fjalimet e tij drejtuar ukrainasve se kishte frikë se ishte “objektivi numër një” për hakmarrjen ruse. “Ata duan të dëmtojnë politikisht Ukrainën duke shkatërruar kreun e shtetit,” u shpreh ai.