Presidenti ukrainas, Volodymyr Zelenskyy deklaron se zyrtarët rusë kanë filluar të “përgatisin shoqërinë” për përdorimin e armëve bërthamore.
Megjithatë, ai thotë se Rusia “nuk është e gatshme” të përdorë armë bërthamore.
“Ata nuk e dinë nëse do ta përdorin. Mendoj se është e rrezikshme edhe të flasësh për këtë,” tha Zelenskyy në një intervistë për BBC, ndërsa shtoi se presidenti rus Vladimir Putin ka frikë nga “njerëzit e tij”, pasi ata ishin të vetmit që mund t’i hiqnin pushtetin dhe t’ia jepnin dikujt tjetër.
I pyetur nëse Putini do të mbijetojë nëse Ukraina fiton luftën, Zelenskyy përgjigjet: “Nuk më intereson”.