Presidenti ukrainas Volodymyr Zelensky deklaroi ditën e sotme se donte që aleatët perëndimorë të dërgonin raketa dhe avionë me rreze të gjatë veprimi në vendin e tij të shkatërruar nga lufta për të ndihmuar në zmbrapsjen e trupave ruse.
“Kam folur me Sekretarin e Përgjithshëm të NATO -s, Jens Stoltenberg. Ne gjithashtu duhet të nisim dërgesat e raketave me rreze të gjatë veprimi në Ukrainë, është e rëndësishme për ne”, tha Zelensky, teksa shtoi se vendit të tij i duhen po ashtu avionë luftarakë.
Thirrja e fundit e Zelensky vjen vetëm disa orë pasi SHBA dhe Gjermania njoftuan të dyja se do të dërgonin batalione me tanke M1 Abrams dhe Leopard 2 për të forcuar përpjekjet e forcave të armatosura të Ukrainës për të larguar trupat e Vladimir Putinit nga Ukraina lindore.