Është kthyer sërish normaliteti në pikën e përbashkët kufitare të Morinës pas shkrirjes së strukturës së policisë kufitaresi pasojë e arrestimeve për korrupsion dhe shpërdorim detyre. Tashmë, kjo strukturë policore është zëvendësuar plotësisht dhe po vijon punën pa probleme. E njëjta gjë ka ndodhur edhe me policinë kufitare të Kosovës. Procesi i punës si dhe i hyrjes apo daljes se mjeteve e qytetarëve në dy anët e kufirit është sipas procedurave dhe nuk janë vërejtur probleme apo vonesa të pajustifikuara në kufi.
Kujtojmë se struktura e policisë kufitare në Morinë u shkri thuajse e gjitha, duke përfshirë edhe nivelet drejtuese të saj dhe tashmë ata ndodhen në procedim hetimor. Ditën e premte u shoqërua trupa policore e shërbimit si dhe ato të ndërresës për shkak të një hetimi dy vjeçar dhe shkeljet e vërejtura nga përgjimet e SHÇBA dhe SPAK, bashkë me IPK e Kosovës.
Ditën e djeshme, në Gjykatën e Posaçme është zhvilluar seanca gjyqësore për 34 urdhër arrestet e lëshuara nga SPAK për korrupsion dhe shpërdorim detyre. 32 prej tyre janë efektivë e punonjës të kufirit në Kukës dhe dy të tjerë qytetarë. Në përgjimet tregohen raste ku punonjësit u bëjnë presion qytetarëve për t’i dhënë para. Po ashtu, një vajzë nuk është regjistruar në sistemin TIMS dhe është lejuar të hyjë nga Kosova në Shqipëri kundrejt parave.
Për 16 prej tyre u caktua në mungesë arrest në burg, arrest në shtëpi për 12 të tjerë, për 4 efektivë pezullim nga detyra si dhe masa arrest shtëpie për dy qytetarë. Gjithashtu, në përgjimet e SPAK tregohen raste ku punonjësit u bëjnë presion qytetarëve për ti dhënë para. Pagesat e që merrnin ishin kryesisht nga 10 euro, por varionte edhe më shumë.