Esmeralda Cami është zgjedhur anëtarja e 11 e Këshillit të Lartë të Prokurorisë, për të zëvendësuar në këtë posti Gentjan Osmanin. Ky i fundit u shkarkua nga detyra nga Komisioni i Pavarur i Kualifikimit.
Cami ishte në garë me Vladimir Mara, prokuror në Krimet e Rënda në Tiranë. Ndërkaq, Cami është prokurore në Prokurorinë e Dibrës.
Prokurorja e Përgjithshme Arta Marku mblodhi në një takim të gjithë prokurorët për këtë proces, ku Cami dhe Mara prezantuan dhe platformën e tyre nëse bëhen pjesë e KLP-së.
Esmeralda Cami foli për ngritjen e një sistemi të qëndrueshëm vlerësimi, duke theksuar se prokurorëve u nevojitet mbrojtje morale dhe fizike.
Prokurori Vladimir Mara tha se duhet të sigurohet pavarësia e prokurorëve.
Cami fitoi me 133 vota ndaj 109 votave të Marës.
