Pas vendimit të djeshëm për të zgjatur mandatin e Komisionit të Posaçëm parlamentar për Reformën Zgjedhore ka ardhur edhe reagimi i OSBE.
Në një deklaratë, OSBE bën të ditur se ky vendim është mirëpritur, ndërsa nxitet Komisioni për të përmirësuar legjislacionin sipas rekomandimeve të të OSBE/ODIHR-it.
“Prezenca e OSBE-së në Shqipëri mirëpret zgjatjen e mandatit të Komisionit të Posaçëm parlamentar për Reformën Zgjedhore.
Zgjerimi i objektit të punës të Komisionit, për të filluar diskutimet lidhur me ndryshime thelbësore të sistemit zgjedhor, është një shenjë gatishmërie për të menduar më thellë për përmbushjen e nevojave dhe synimeve të shqiptarëve për demokracinë e tyre.
Ne nxitim Komisionin të përmirësojë legjislacionin sipas rekomandimeve të OSBE/ODIHR-it, të bëra pas zgjedhjeve të viteve 2013, 2015 dhe 2017, si dhe e sigurojmë Komisionin për gatishmërinë tonë për të mbështetur me ndihmë teknike rishikimin e sistemit zgjedhor në Shqipëri”, shkruhet në postimin e OSBE.