Deputeti demokrat Luan Baçi, duke folur për zgjedhjet vendore të 14 majit, u shpreh se koalicioni me Metën nuk ishte zgjidhja e duhur për të sjellë opozitën në pushtet.
Në një intervistë, ai deklaroi se bashkëpunimi me Partinë e Lirisë ishte një zgjidhje e momentit, e imponuar nga kushtet e situatës.
“Nuk kishim asnjë rrugëzgjidhje tjetër. Ishte një koalicion i detyruar nga kushtet që na imponoi mazhoranca dhe ata që në shumë bashki vunë lista për këshilltarë bashkiakë dhe disa kandidatë për kryebashkiakë. Nuk është zgjidhja e duhur për të sjellë opozitën në pushtet, por zgjidhje e momentit. Na duhet një bashkim i gjithë opozitës”, theksoi deputeti.