“Për situatën në Partinë Demokratike dhe humbjen e thellë në zgjedhjet vendore, kërkohet reflektim!” Kështu shprehet nënkryetarja e PD-së, Jorida Tabaku, e cila e ftuar në emisionin ‘Sot Live në Shqipëri’ në Report Tv.
Tabaku u shpreh se gjithsecili në PD duhet të shoh rezultatin e 14 majit dhe të shohë përgjegjësinë tek vetja.
E pyetur nëse do të marrë postin e kryetares së PD-së, Tabaku tha se këtë do të vendosë kryesia, e se për të rëndësi ka e mira e përgjithshme e PD-së.
”Nuk ka rendësi se çfarë do të bëjë unë, rendësi ka e mira e përgjithshme dhe ku është PD sot. Situata në PD kërkon reflektim. Problemi është si ti bëjmë gjërat ndryshe. Po lë të nënkuptoj që diskutimet do ja lë mbledhjes së kryesisë.
E kam dhënë mendimin tim, unë mendoj se PD duhet të marrë kohë të reflektojë. Nuk dua ta paragjykoj vendimin e kryesisë. Unë jam vetëm një anëtarët e kryesisë. Ne duhet që tu rikthehemi diskutimeve me njerëzit. Kemi pasur një vështirësi komunikim në terren.
Duhet reflektim nga të gjithë deputetët e PD-së. Unë i pashë me trishtim rezultate e 14 majit. Ne duhet të shohim se çfarë mund të bëjmë ne ndryshe. Unë besoj se gjithsecili duhet ta shohë rezultatin e 14 majit dhe të shohë përgjegjësinë tek vetja.
Për mua ka qenë dëshpëruese rezultati i Shkodrës, i Kukësit i Tropojës, gjithkush duhet të shohë se ka mundësi të drejtojë. Unë besoj se nuk ka asnjë interes. Janë lodhur njerëzit me PD ë humb zgjedhje pas zgjedhje, duhet ta ndryshojmë retorikën dhe të shohim a jemi gati ne që të jemi nesër një forcë qeverisëse”, – tha Tabaku.