Rudina Hajdari ka mbajtur fjalën e saj në Kuvend për herë të parë si kryetare e një grupi parlamentar, pas zyrtarizimit të grupeve të opozitës së re. Ajo zëvendëson në këtë post Edmond Spahon.
Hajdari tha se ishte kundër bojkotit të zgjedhjeve të 30 qershorit, dhe pse koha është kundër siç tha ajo, do të bëhen përpjekje për të mos e lënë vendin bosh në zgjedhje. Në fjalën e saj Rudina pati dhe një apel për demokratët.
“Demokratët jashtë kuvendit ta shohin si ofertë dhe alternativë për ti përfaqësuar ata dhe nga gjithë të zhgënjyerit që duan që ne ti përfaqësojmë. Nuk jemi dakord për bojkotimin e zgjedhjeve të 30 qershorit, ne nuk duam në asnjë mënyrë të bojkotojmë zgjedhjet, edhe ato të 30 qershorit që i shoh se koha nuk është në favorin tonë por ne do të përpiqemi që opozitarëve demokratëve në këtë vend të mos i lëmë vend bosh në zgjedhje, ftoj në këtë përpjekje çdo parti opozitare ta rikonsiderojnë vendimin për bojkot, nuk është mjet demokratik, të luajmë brenda rregullave të lojës. Të përgatitemi dhe të marrim çdo masë, për të shpalosur alternativë tonën”, tha ajo.