Ambasadorja e SHBA-së në Tiranë, Yuri Kim, në kuadër të zgjedhjeve lokale të 14 Majit, po zhvillon takime me përfaqësues të partive kryesore politike në vend. Yuri Kim ka zhvilluar një takim me sekretarin e Përgjithshëm të Partisë Socialiste Damian Gjiknuri. Takimi u zhvillua në selinë rozë.
Pas takimit me Gjiknurin, diplomatja amerikane po zhvillon një takim edhe me kryetarin e komanduar të Partisë Demokratike, Enkelejd Alibeajt në Kryesinë e Kuvendit. Pas takimit me Alibeajn, diplomatja amerikane do të takohet edhe me kryetarin e Partisë së Lirisë, Ilir Metën.
Do jetë KQZ e cila do të vendosë nesër për fatin e Partisë Demokratike, nëse do të regjistrohet apo dhe cili prej kampeve do të regjistrohet.