Kryetarja e Autoritetit për Informim për Dosjet e ish-Sigurimit të Shtetit, Gentiana Sula, thotë se kandidatët për zgjedhjet e 14 majit duhet të bëjnë verifikim të detyruar dhe transparencë me përgjegjësi penale. Sula tha se institucioni që drejton e ka propozuar këtë ndryshim në Kodin Zgjedhor, por që nuk është bërë ky hap.
“Ne kemi propozuar një qasje që vë një kut për të gjithë, që është verifikimi i detyruar dhe transparencë me përgjegjësi penale. Thënë kjo, ne kemi propozuar ndryshim Kodi Zgjedhor, politika ka diskutuar forma të tjera. Ngelet që ta bëjnë këtë hap, por nuk e kanë bërë. Ndryshe është ligji që ne funksionojmë dhe do të zbatojmë ligjin”, tha ajo.
Po ashtu Sula bëri të ditur se 6 figura publike kanë rezultuar në dosjet e ish-Sigurimit të Shtetit, duke vënë në dijeni Kuvendin për hapat e mëtejshëm. “Kemi vënë në dijeni parlamentin për 6 emrat që kemi identifikuar që janë me iniciale, të cilët ne nuk është se themi detyrimisht, por ne na kanë dalë. Ne identifikojmë sipas kërkesave të institucioneve ku aderojnë, duan të bëjnë karrierë apo duan të zgjidhen”.