Zgjerimi i Greqisë 12 milje në detin Jon, Rama i kundërpërgjigjet Metës: S’ka lidhje me zonën e kontestuar mes dy vendeve tona. Kërkon shesh për përshesh!

Pas reagimit të presidentit Ilir Meta në lidhje me dekretin e qeverisë greke për zgjerimin me 12 milje në detin Jon, vjen kundërpërgjigja nga kryeministri Edi Rama. Në një postim në Tëitter Rama shkruan:“Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI! Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq! Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like!”,