Asambleja e Përgjithshme e Prokurorëve zgjodhi tre anëtarët e Këshillit të Lartë të Prokurorisë.
Mësohet se anëtari i parë i zgjedhur, është Moisi Duda, i cili mori 122 vota ndaj rivales, Aferdita Ndoi me 106 vota. Sakaq, raportohet se 6 vota ishin të pavlefshme.
Dy kandidatet e tjerë të zgjedhur janë Olger Eminaj dhe Vatë Staka.
Eminaj ka marrë 103 vota, ndërsa Stakai ka arritur të sigurojë 98 vota.
Kryeprokurori Olsian Çela u shpreh sot se mirëfunksionimi i KLP-së përbën pa asnjë dyshim një nga elementët më të rëndësishëm të reformës në drejtësi.