Një ngjarje e rëndë është shënuar në Durrës. Një e mitur 12-vjeçare është zhdukur prej disa ditësh, ndërsa nëna e saj shprehet se ka bërë denoncim, por asnjë shenjë.
Nëna e të miturës thotë se nuk kanë lënë vend pa kërkuar, nga shoqet e shkollës e tek të afërmit, por ende asnjë shenjë për të bijën.
“Unë kam tre vajza dhe 12 vjeçe kam të mesmen. Nuk kam punuar, sepse jam marrë me rritjen e fëmijëve. Kemi kërkuar prej 1 jave në çdo vend të Durrësit. Kemi kërkuar nëpër shoqe shkolle e deri tek të afërmit, por askush nuk ka dijeni”, shprehet nëna e vajzës së zhdukur.
Identiteti i të miturës ende nuk është bërë me dije por nëna e saj shprehet se nuk e di kush po ia mban vajzën, duke hedhur kështu hije dyshimi se dikush e ka rrëmbyer.
“Nuk kemi gjetur asgjë. Nuk e dimë se kush po na e mban vajzën tonë”, thotë nëna e të miturës./BW/