Zhdukja e tre të rinjve në Malësinë e Madhe për pazare droge ka marrë vëmendjen e publikut ditët e fundit. Gazetari Klodian Zhivani në një prononcim të shkurtër për emisionin “Open” ka bërë me dije se ende nuk ka asnjë shenjë apo pistë të re hetimi për gjetjen e Daniel Pepajt.
Sipas tij, operacioni i Policisë për kapjen e tij dhe për gjetjen e dy personave të tjerë që supozohen të zhdukur ka ndaluar për shkak të kushteve atmosferike. Ai hedh një tjetër version se ku mund të ndodhet Pepaj.
“Kjo zonë ka shumë shpella dhe prandaj po vështirësohet puna e Policisë,”-u shpreh ai. Ndërsa gazetarja Anila Hoxha, e ftuar në studio ka mbështetur versionin e tij duke bërë me dije se: Daniel Pepaj nuk ka kaluar në TIMS!