Dy persona janë arrestuar nga policia, 6 të tjerë janë vënë në masën “arrest në shtëpi”, ndërsa 4 të tjerë janë pezulluar pasi akuzohen se kanë zhvatur nga klientët mbi 200 mijë euro.
Nga hetimet e zhvilluara ka rezultuar se këta persona, në cilësinë e punonjësve të bankës, në bashkëpunim me njëri-tjetrin dhe duke shpërdoruar detyrën sipas funksioneve përkatëse, kanë kryer ndërhyrje të paligjshme në sistemet dhe dokumentacionin bankar, duke falsifikuar dokumente dhe duke realizuar transfertime të paautorizuara nga llogaritë bankare të klientëve.