Një vatër zjarri është regjistruar mesditën e kësaj të shtune në fshatin Drenovë, në Mallakastër.
Sipas informacioneve paraprake, flakët janë përhapur me shpejtësi, duke përfshirë një sipërfaqe të mbjellë me ullinj. Situata është bërë shqetësuese, pasi zjarri po u afrohet banesave dhe varrezave të fshatit, duke rritur rrezikun për zonën.
Në vendngjarje ndodhen shërbimet zjarrfikëse të Mallakastrës, të cilat po punojnë për neutralizimin e flakëve. Në ndihmë të tyre janë nisur edhe mjete zjarrfikëse nga Fieri, Roskoveci dhe Albpetroli.