Kryeministri Edi Rama ka postuar një video lidhur me situatën e zjarreve në Greqi, ku Shqipëria ka kontribuar me zjarrfikës dhe mjete.
Kreu i qeverisë shkruan se efektivët shqiptarë në Greqi janë tërësisht të angazhuar për të shuar flakët në zonën e Aleksandropulit.
“Efektivët tanë, me mision në zonat e prekura nga zjarret në Greqi, janë maksimalisht të angazhuar në operacionin e shuarjes së flakëve në zonën e Aleksandropulit, si një nga zonat më të prekura nga kjo emergjencë e madhe që ka goditur fqinjët këtë sezon të nxehtë”, shkruan Rama.