Ish-kryeministri Sali Berisha ka kometuar situatën e tensionuar në KZAZ-në nr.3 në Shkodër ku iu vu flaka edhe shkollës “Shejnaze Juka”.
I ftuar në emisionin “Tempora” në RTV Ora, Berisha u shpreh se zjarri është një skenar stalinist dhe është vënë nga vetë qeveria.
“Në shkodër qytetarët po përballen me narkoshtetin. Zjarrvënës janë qeveritarët e mafias. Skenari i zjarrit është skenar tipik stalinist i nisur në Raishtag dhe i përcjellë në të gjitha etapat e tjera.
Aty po mbrohet dhe zbatohet dekreti i Presidentit, që është në kushtetueshmëri të plotë,”- u shpreh Berisha ndër të tjera.
Pasditen e sotme është tensionuar sërish situata në Shkodër ku në KZAZ-në nr.3 ka patur përplasje fiizke mes policisë dhe mbështetësve të PD-së. Shkollës “Shejnaze Juka”, iu vu zjarri dhe u desh ndërhyrja e zjarrfikëses për të bërë shuarjen e flakëve.