Preç Zogaj shprehet se ka ardhur momenti që Berisha të mendojë për demokratët dhe të tërhiqet.
Gjatë një intervistë në “News24”, analisti vlerëson se Partia Demokratike mund të vijë në pushtet vetëm nëse Berisha bën një hap pas dhe PD bashkohet përmes një rithemelimi të ri, me njerëz të pakonsumuar.
A është dikush që duhet të tërhiqet sot?
Bashkimi i PD-së pengohet nga protagonizmi i Berishës dhe ndonjë tjetri.
Po Basha po bën protagonizëm?
Nga kthimi i tij pritej që partia të përthithte edhe elementë nga Foltorja. Por ka ndodhur që edhe vetë partia është ndarë. Problemin e opozitës e zgjidh tërheqja e Berishës.
Çfarë i inspiron demokratët për të votuar PD-në nëse ikën Berisha?
Inspirimi nuk jepet me shiringë, ai vlen. Demokratët i inspiron një rithemelim i vërtetë i PD-së. Drejtuesit e PD-së edhe po të mos kishin pengesat që kanë në raport me SHBA-në, kanë pasur një lidership që ka përmbyllur ciklin.