Vizita e Zhaklin Lekatarit në Serbi dhe postimet e saj kundër shqiptarëve ka shkaktuar reagime të ashpra. Pas deklaratës së opinionistes së “BBV” se “ndihet më e sigurt në vendin ku nuk ka shqiptarë”, ka reaguar edhe deputetja e Partisë Demokratike të Kosovës (PDK), Ganimete Musliu.
“Feministja” Zhaklina thotë se ndjehet e sigurt në atdheun e dhunuesve të 20.000 mijë grave e vajzave të Kosovës dhe jo veç. Thotë se ndjehet e sigurt atje sepse nuk ka shqipe!! Çfarë problemi ka me shqipet kjo grua? Urrejtje po mbjell, urrejtje do korrësh, prandaj rri në Beograd Zhaklina sepse me ata ke të përbashkët gjuhën e urrejtjes ndaj shqipeve. Zot shpëto shqipet nga feministet si Zhaklina”, ka shkruar deputetja duke etiketuar Nita Latifin në postim.