Flori Mumajesi ka vendosur që të eksperimentojë edhe në fusha të tjera të artit. E kemi parë të kompozojë, shkruajë këngë, këndojë dhe të interpretojë në mënyrë fantastike dhe tashmë në këngën e re të Brunos – “Zoti t’më vrasë”, Flori Mumajesi ka marrë rolin e regjisorit.
I gjithë videoklipi duket si një mini-film ku përshkruhet një histori dashurie me një fund të dhimbshëm e të pamundur, ku sigurisht Bruno është edhe aktori kryesor. Filmi duket se ka një dinamikë të vrullshme me aksidente, gjak dhe plagosje.
Planet duken të realizuara mjaft mirë dhe pa frikë mund të themi se Flori ka qëllua në shenjë edhe kësaj radhe. Kjo është iniciativa e parë e Florit në fushën e regjisë dhe në të ardhmen mund të presim inovacione të reja nga artisti edhe në këtë fushë të artit.