Presidenti rus Vladimir Putin, u takua me elitën e ushtrisë së tij. Ai tha se do të shtojë personelin e tij të përhershëm, pra përtej të mobilizuarve me detyrim në front, deri në 1.5 milion ushtarë, duke tejkaluar kështu forcat amerikane. Për të incentivuar vullnetarët, presidenti i premtoi secilit 195 mijë rubla, rreth 2800 dollarë pesë herë mesatarja e pagës në vend.
Putin shtoi se me hyrjen e raketës balistike Sarmat, vendi do të riorganizojë tërësisht edhe kapacitetet bërthmore, duke dërguar në “pension” sistemet e ish-Bashkimit Sovjetik.
Një tjetër detaj interesant ishte plani i Putin për krijimin e njësive të reja, në vende të cilësuar si delikate, por që në fakt janë kërcënime të hapura, si në rastin e njësive që do të krijohet në kufi me Finlandën, vend që nga neutral ka aplikuar për anëtarësimin në NATO.