Nisi me një mbrëmje spektakolare dhe pritet që i gjithë turneu të jetë i tillë. Kampionati Evropan i futbollit çeli siparin, mbrëmjen e së premtes, që sapo lamë pas, me “Pancerat” gjermanë, organizator të këtij eventi, që siguruan një fitore të madhe me pesë gola, duke argëtuar tifozat anë e mbanë botës dhe argëtimi do të vazhdojë sërish këtë të shtunë, kësaj here me tre sfida spektakolare.
Kështu, në orën 15:00, “Helvetët” e Zvicrës do të nisin rrugëtimin e tyre evropian, ku në “RheinEnergieStadion”, të Këlnit do të përballen me Hungarinë, në sfidën tjetër të Grupit A, ku padyshim “shqiponjat”, Granit Xhaka e Xherdan Shaqiri do të kërkojnë një nisje sa më të mbarë të këtij edicioni, pavarësisht se skuadra përballë di si të rezistojë, por edhe të surprizojë kundërsharët.
Lexo edhe :
Related Posts
Pas mbarimit të kësaj përballjeje, në orën 18:00 vjen përplasja e parë e “titanëve” për këtë edicion, teksa në “Olympiastadion”, të Berlinit, “La Furia Roja” spanjolle do të sfidojë vendin e tretë të botës, Kroacinë, në një ndeshje tejet delikate, për Grupin B, të këtij kompeticioni, i quajtur ndryshe edhe grupi i “ferrit”. Skuadrat janë të plota, pa mungesa, kështu që emocionet dhe spektakli nuk duhet të mungojë.
Në fund të ditës vjen edhe sfida më e rëndësishme, për një popull të tërë, me “Legjionarët” e Kombëtares së Shqipërisë, që do të zbresin në “ferrin” e “Signal Iduna Park”, aty ku përballë do të kenë “Të Kaltërit” e Italisë, kampionët në fuqi të Evropës, në një përballje historike, ku padyshim një rezultat i madh do të në jepte motivimin e duhur, për të krijuar një histori “Hirusheje”, në Euro 2024.
Ndeshjet e së shtunës:
Grupi A
Ora 15:00, “RheinEnergieStadion”
Hungari – Zvicër
Grupi B
Ora 18:00, “Olympiastadion”
Spanjë – Kroaci
Ora 21:00, “Signal Iduna Park”
Itali – Shqipëri