Gjatë një konference për mediat, ministri i Drejtësisë në vend, Ulsi Manja ka ndarë rezultatet e hetimit disa mujor nga Antikorrupsioni.
Lidhur me këtë çështje, Manja u shpreh se zyrtarë të lartë të trajtimit të pronave janë të përfshirë në korrupsion, ndërsa shtoi se ka kallëzim penal për zyrtaren më të lartë të Pronave, duke shtuar se është koha që SPAK të hetojë skemën e korrupsionit.
“Njësia Antikorrupsion në veprim. Kjo është goditja më e rëndësishme deri tani e Njësisë Antikorrupsion të Ministrisë së Drejtësisë. Pas një hetimi të gjatë të kësaj njësie, zyrtarja më e lartë e Agjencisë së Trajtimit të Pronave, drejtori i kompensimit financiar në këtë agjenci dhe një zyrtar tjetër, rezultojnë të implikuar në veprimtari abuzive përmes skemash abuzive, të cilat dyshohet fort se kanë prodhuar korrupsion domethënës. Është radha e SPAKUT të thellojë hetimet e veprimtarisë së këtyre individëve dhe të zbardh deri në fund skemat abuzive të vëna në veprim në shkelje të ligjit e në kurriz të qytetarëve”,. ështe shprehur Rama ne reagim ne Facebook.