Prej muajsh është bërë e ditur, por varësia ndaj videolojërave tashmë është zyrtarisht në listën e sëmundjeve nga Organizata Botërore e Shëndetësisë.
Gjatë Asamblesë së Përgjithshme në Gjeneve vendet anëtare kanë votuar në favor të adoptimit të përditësimeve të reja të International Statistical Classification of Diseases and Related Health Problems, që për herë të parë ka “Gaming Disorder”.
Testi i ri që do të hyjë në fuqi në janar të 2022, përmban përkufizimet dhe kodet për rreth 55 mijë sëmundje dhe kushte patologjike, dhe përdoret për të bashkuar diagnozat dhe klasifikimet në të gjithë botën.
“Gaming Disoder” është përkufizuar si “një seri sjelljesh të përhershme ose të përkohshme të lidhura me lojërat, qoftë online apo offline, që sjellin: mungesë kontrolli në lojë; një prioritet më të madh të dhënë lojës, në pikën që ajo bëhet më e rëndësishme se aktivitetet e përditshme dhe interesat në jetë; një përshkallëzim i vazhdueshëm i gaming, pavarësisht pasojave negative personale, familjare, shoqërore, edukative, dhe fusha të tjera të rëndësishme”.
Për tu konsideruar patologjik, vazhdon kapitulli dedikuar këtij problemi, sjellja duhet studiuar për 12 muaj, “edhe pse afati mund të jetë më i vogël nëse përmbushen të gjitha kërkesat e diagnozës dhe simptomat e rënda”. Mes risive të tjera të futura në këtë manual janë edhe futja e një kapitulli për mjekësinë tradicionale, dhe riorganizimi i sëmundjeve seksuale, që më parë ishin të ndara në pjesë të ndryshme të manualit, por tashmë do të jenë në një kapitull të vetëm.