Josep Borrell, kandidati spanjoll për postin e Përfaqësuesit të Lartë për Politikën e Jashtme dhe Sigurinë e BE-së, deklaroi të hënën në Bruksel se arritja e një marrëveshjeje mes Kosovës dhe Serbisë do të jetë përparësi e tij. “Prandaj dhe vizita ime e parë do të jetë në Prishtinë”, iu përgjigj Borrell pyetjes së deputetëve të Komisionit të Punëve të jashtme të Parlamentit Evropian, gjatë dëgjesës së këtij kandidati.
Gjatë seancës dëgjimore përpara Komisionit për Punë të Jashtme të Parlamentit Evropian (AFET), Borrell deklaroi se status quo është i paqëndrueshëm dhe se BE do të vlerësojë dialogun Beograd-Prishtinë me një konsideratë më të lartë se më parë. Ai gjithashtu theksoi se Kosova duhet të heqë tarifat, dhe se Serbia duhet të përfshihet në dialog më sinqerisht. “Ne jemi të larmishëm në njohje, por jemi të bashkuar në angazhimin tonë “, tha Borrell. / tirananews.al