Në gusht, kur u hodh shorti i grupeve të Champions League, askush nuk e fuste Interin te favoritët për të fituar Champions League. Madje, nuk llogaritej që zikaltërit do të kalonin grupin, ku bënin pjesë edhe Bayern Munchen, Barcelona dhe Viktoria Plzen.
Kompanitë e basteve i jepnin vetëm 1% mundësi për të fituar kompeticionin, ndërsa 40% për të kaluar grupin. 9 muaj më vonë, Interi është në finalen e madhe që do të luhet në Stamboll.
Në Twitter, pas fitores 1-0 ndaj kuqezinjve, Federico Dimarco shkroi: “Ta kisha premtuar para 20 vitesh në San Siro. Sot i vumë gjërat në vendin e tyre: Milano jemi ne”.