Kreu i shtetit Ilir Meta ka kujtuar 15 dhjetorin e vitit 2010 kur shqiptarët fituan lëvizjen e lirë në zonën Shengen.
Meta thotë se është koha për të bërë gjithçka për ta mbrojtur këtë arritje të madhe duke bërë thirrje që të mos braktiset Shqipëria.
“Para 10 vitesh, realizuam një ëndërr, lëvizjen e lirë të shqiptarëve në Bashkimin Europian.
Është koha për të bërë gjithçka për ta mbrojtur këtë arritje të madhe dhe për të bërë realitet aspiratën e çdo shqiptari për të anëtarësuar Shqipërinë në Bashkimin Europian.
Mos e braktisni Shqipërinë, por bashkohuni për ta bërë një vend të denjë europian!”, thotë Meta