Ministri i Mbrojtjes Niko Peleshi me anë të një postimi në rrjetet sociale ka falenderuar rreth 1000 të rinjtë që kanë aplikuar për të qenë pjesë e Forcave të Armatosura.
“Përtej falënderimeve dhe mbështetjes për punën heroike të Forcave të Armatosura në këto ditë të vështira, aplikimi i rreth 1000 maturantëve për t’u bërë pjesë e Akademisë së Forcave të Armatosura, është vlerësimi dhe shpërblimi më i madh për ne dhe ta. Janë vetëm 60 vende, rruga drejt dyerve të AFA është e gjatë dhe e vështirë, vetëm 60 të rinj e të reja do të bëhen pjesë e kësaj akademie, por ky interesim i jashtëzakonshëm na ndihmon të zgjedhim më të mirët, për t’u bërë nesër pjesë e Forcave të Armatosura”, shkruan Peleshi.