Kjo e hënë shënon edhe afatin e fundit për regjistrimin e subjekteve politike pranë KQZ-së për zgjedhjet lokale të 14 Majit. Deri më tani kanë dërguar kërkesën për regjistrim 34 parti politike. Nga partitë e mëdha, Partia Socialiste dhe Partia e Lirisë i kanë dorëzuar kërkesat e tyre dhe dokumentacionet përkatëse.
Pritet me interes regjistrimi i Partisë Demokratike. Do të jenë dy grupimet që do të dërgojnë kërkesën për tu regjistruar për garën e 14 Majit. Pastaj ngelet në dorë të KQZ se kë prej grupeve brenda PD-së do njohë si forcën kryesore opozitare dhe më pas për të vijuar dhe me procedurat e tjera.
Partia Demokratike e drejtuar nga Berisha mbrëmjen e djeshme pas përfundimit të mbledhjes së Këshillit Kombëtar depozitoi kërkesën për t’u regjistruar për zgjedhjet lokale. Në Këshillin Kombëtar u vendos që në zgjedhjet lokale të shkohet me koalicion. Koalicioni më i mundshëm dhe më i arritshëm është ai me Partinë e Lirisë, por kjo do të përcaktohet nga Kryesia e PD-së.