23-vjeçari Cody Gakpo, është futbollisti më i ri i ekipit të Liverpool. Ka qenë vetë faqja zyrtare e klubit e cila me anë të një postimi, publikoi lajmin për arritjen e marrëveshjes me sulmuesin holandez.
Ndonëse shifrat nuk janë bërë publike nga vetë drejtuesit e kuq, në mediat britanike është mësuar se Liverpool ka paguar 53 milionë euro përfshirë dhe bonuset për kartonin e 23-vjeçarit, aq sa kërkonte dhe PSV Eindhoven.
Cody Gakpo ishte një nga elementet kryesor të Holandës në botërorin e Katarit teksa u bë i pari holandez që shënoi në secilën ndeshje të fazës së grupeve.