23-vjeçari shqiptar Nue Nreca, pranë kalimit në elitën e San Marinos

23-vjeçari shqiptar Nue Nreca do të bëjë hapin e radhës në karrierë, duke kaluar te ekipi SC Faetano në elitën e futbollit të San Marinos. Së fundmi ai ishte pjesë e Mitrovicës në Ligën e Parë të Kosovës, ndërsa hapin e radhës ka vendosur ta bëjë jashtë futbollit kosovar. Mbrojtësi i majtë më parë ka luajtur në disa skuadra të Ligës së Parë, ndërsa karrierë ka bërë edhe në elitën e futbollit kroat. Synimi i radhës i mbrojtësit do të jetë titulli kampion me skuadrën më të vjetër në San Marino.